Addan ditoy ili tayo a Santa Lucia ti naidumdumda ken pagdindinamagan a GRACIA TELECOM AUTOMATED PAYMENT MACHINE (APM) nga sagot ni Narvacan Mayor and League of Municipalities President Hon. Luis “Chavit” Singson. Daytoy ket maysa a “machine operated payment platform” nga no sadino mabalin tayon nga aramiden dagiti transactions tayo kas koma ti panagload ti cellphone, panagdeposit ti bank account, ken panagbayad dagiti naduma duma a bills tayo 24/7.

Daytoy ket pormal a naluktan idi kalman, February 19, 2021 sadiay sango ti Santa Lucia Public Market. Timmabuno ti Gracia Telecom APM Launching dagiti kangrunaan a bisita kas kada Hon. Luis Chavit Singson, Vice Gov. Hon. Jerry Singson, SPM Benjamin Maggay, SPM Mildred Elaydo, SPM Chita Cordero ken SPM Jimboy Singson. Iti met benneg ti lokal a gobyierno, indauluan ni Municipal Mayor Hon. Joseph Simon B. Valdez ken Municipal Vice Mayor Eduardo Toquero, Sanguniang Bayan Members, Punong Barangays, SK Chairpersons, Municipal Employees, NGOs, Tricycle Drivers ken market vendors.

Dakkel a tulong daytoy nga Automated Payment Machine kadagiti umili, aglalo iti kangitingitan ti sagsagabaen sangalubongan a pandemya, ta awan ti human interventions na, ngarud, maliklikan ti panagwaras ti mapagbutbutngan nga COVID-19 virus.

No kayat yo a padasen daytoy a baro nga teknolohiya, masarakan daytoy sadiay sango ti Public Market , asideg ti BFP Fire Station ditoy ili tayo Santa Lucia. Naimpusuan a panagyaman Mayor and LMP Pres. Hon Luis “Chavit” Singsoni ti daytoy a sagot mo kadagiti umili ti Santa Lucia. Pudno nga sika ket awan pay laeng kupas na. Sanggir ken Namnama ti Probinsiya!