Kas panangtulong kadagiti kakabsat tayo a mannalon wenno dagiti “Silent Frontliners”, napasamak ti panakaiwaras ti abono kadagiti mannalon ti pagay ditoy ili tayo a Santa Lucia. Daytoy ket babaen ti panangidaulo ti nasiglat ken naalibtak nga ama ti ili, Hon. Joseph Simon B. Valdez. Kadwana ti nasao nga ganuat dagiti nasaririt nga Konsehales ti ili nga idadauluan ni Vice Mayor Eduardo Toquero. Kadwada pay dagiti nagaget nga staff ti Municipal Agriculture’s Office babaen ti panangilulangalong ni Municipal Agriculturist Ronald Hernaez.
Ti nasao nga programa ket napunduan manipud ti RA 7171 Municipal Share nga aggatad ti Php 8 million.
Siraragsak a inawat dagiti mannalon ti pagay gapu ti nabara a suporta ti lokal a gobyerno kadagiti mannalon ditoy ili tayo a Santa Lucia.
Daytoy a programa ken tinawen nga maar-aramid, ta patyen unay dagiti agrebbeng nga opisyales ti ili, nga dagiti kakabsat mannalon ket isu da Sanggir ti Pagilian.