Enero 4, 2022 – No ti mula dagiti kakabsat a mannalon ket kasapulan na ti naan-anay a danum para iti apit a nabuslon, dagiti met napintas a programa ti agdama nga administrasyon, ti agserbi nga danum a mangted rasyon, para kadagiiti kakailian a mannalon.
Ti umuna a bulan iti daytoy tawen 2022, umarangkada manen ti “Bagyong Serbisyo” a programa ti gobyerno municipal. Ita nga aldaw, naiwaras dagiti abono para kadagiti mannalon ti gulgulay sadiay Palali Sur Covered Court, babaen ti panangilungalong ti ingunguten tayo nga ama ti ili Hon. Joseph Simon B. Valdez, Municipal Vice Mayor Eduardo A. Toquero, Sangguniang Bayan Members ken empleado ti Municipal Agriculture nga idauloan ni Municipal Agriculturist Ronald Hernaez.
Bayat ti panagsarita ni Mayor Joseph Simon B. Valdez, inbaga na nga agtultuloy latta dagiti pagsayaatan dagiti kakabsat tayo a mannalon, babaen ti nasyaat a panagbinnulig ti executive ken legislative branch. Iti agdamada, naipasan ti opisina ti executive sadiay legislative ti rekomendasyon para ti panakaipasa ti “Appropriation Ordinance” para ti fuel/gasoline assistance kadagiti sapasap nga mannalon. Ti nasao a rekomendasyon ket dagus met a tamingen ti dagiti Sangguniang Bayan Members tapno masabet ti pagkasapulan dagiti kakailian tayo a mannalon.
Maibasar ti inpaulog a paganurutan manipud DBM, saan nga nababbaba ngem 25% ti RA 7171 fund ket maiyalokar para ti cooperative programs, livelihood programs ken financial support to tobacco farmers. Insarita pay ti ama ti ili nga ti alokasyon para ti 2018 ken 2019 RA7171 fund a para kadagiti mannalon ket: 60M para ti mannalon ti tabako, 20M para ti mannalon ti pagay, 10M para mannalon ti mais, 10M para mannalon ti mani ken 5M para ti mannalon ti gulgulay nga addaan pakadagupan a Php 105M. Daytoy ket triple ti kadakkel na no ikumpara iti Php 35M a nailatang idi napalabas a tawen kas sungbat dagiti ingunguten tayo nga agserbi ti ili, iti kiddaw dagiti kakailian a mannalon.
Naimpusuan a pangayaman kadagiti amin a municipal officials, nga idadauluan ni Municipal Mayor Joseph Simon Valdez, iti awan sarday a tulong ken suporta kadagiti mannalon ti ili tayo. RANIAG Sta. Lucia!