Ita nga aldaw, naisayangkat ti “Inauguration Program” ti “Balay Silangan Reformation Center” sadiay Ayusan Santa Lucia, Ilocos Sur babaen ti municipal a gobyerno nga idadauloan ni Municipal Mayor Joseph Simon B. Valdez.

Daytoy a programa ket nagbinnuligan dagiti naduma duma nga ahensiya ti gobyerno kas iti PDEA, LGU Santa Lucia, PNP ISPPO, DepEd, TESDA, DSWD, RHU, BFP, Alternative Learning Center ken Parish Pastoral Council. Dagiti nasao nga ahensiya ket nagpirma ti maysa a katulagan para ti panagkikinamayet da para ti ballaygi a pannakaipatungpal iti nasao a programa.

Dagiti kangrunaan a bisita nga timmabuno ket da Municipal Mayor Joseph Simon B. Valdez, Asst. Regional Director II Valente G. Cariño, PDEA Provincial Officer Anabel F. Cabarles, Deputy Provincial Director PLTCOL Dominic Guerrero, Coordinating Principal Joan Toquero, MLGOO Imelda Ordoño, COP PCPT Albert Lucero, SFO4 Eligio Calip, Jr., Pastor Abraham Fernando, Jr. Acting Vice Mayor Sotero Avila, PB Ramon Abella, Department Heads ken Key Personnel.

Dinayaw ti PDEA ti LGU Sta. Lucia gapu ti panangsuporta na dagiti programa ti PDEA kangrunaan na ti panakalukat ti Balay Silangan Reformation Center para kadaditi kakabsat a naiwawa ti nalinteg a dana ti biag. Ti ili a Sta. Lucia ti maika lima nga ili nga addaan Balay Silangan ti probinsiya nga Ilocos Sur.
Naimpusuan a panagyaman kadagiti amin a nakipagpaset!