Nagpaiduma a ragsak ti narikna dagiti kakalilian tayo a mannalon ti mais iti panangawat da ti Cash nga 3,000 pesos ken Food Subsidy nga aggatad ti 2,000 pesos babaen ti Cash and Food Subsidy for Marginal Farmers and Fisheries Program ti Department of Agriculture.

Naisayangkat ti panakaipaima ti nasao nga pagsayaatan idi malem kalman, February 19, 2021 sadiay Farmers Multi-purpose Building, babaen ti panangidaulo ti nasiglat ken naalibtak nga Municipal Mayor Hon. Joseph Simon B. Valdez, nga binayabayan ni SBM Hon. Ronald Joven, SBM Hon. Narciso Garcia, Municipal Agriculturist Ronald Hernaez, Agri. Technologist Richard Hortizuela ken empleados manipud ti Department of Agriculture Region 1.

Segun ti DA, dagitoy ti kwalipikasyon tapno makaawat ti nasao a programa: mannalon ti mais nga agtaltalon ti maysa ektarya agpapababa, nakarehistro ti RSBSA, ken saan pay nakaawat ti SAP programs manipud ti sabali nga ahensya ti gobyarno.

Daytoy ket naipaay kadagiti kakabsat a mannalon ti mais kas tulong tapno makabangon manipud ti sagsagabaen tayo a pandemya.