Kas paset ti “transparent ken participative local governance”, naaramid ti Municipal Development Council’s Meeting idi Enero 7, 2022 sadiay Governor Titong Singson’s Memorial Auditorium, Sta. Lucia, Ilocos Sur.

Daytoy nga taripnong ket indaluan ti Chairperson ti MDC Municipal Mayor Joseph Simon B. Valdez, Vice Chairperson Municipal Vice Mayor Eduardo A. Toquero, Chair Committee on Appropriation, Livelihood and Cooperative SBM Ronald Q. Joven, SBM Infra Chair Anneline B. Pimentel, LnB President Sotero Avila, Punong Barangays, Representative Staff of Cong. Kristine Singson-Meehan, Staff manipud MPDO ken 1/4 a representatives manipud 108 NGOs/CSOs ditoy ili a Sta. Lucia.

Indatag ni Mayor Jospeh Simon B. Valdez dagiti napipintas a plano ken programa a napunduan iti FY 2022 Annual Budget. Basar ti annual budegt, nailatangan dagitoy sumaganad: 26.5M para 20%Devt. Fund, 7M LDRRM Fund, 7M Gender and Development Fund , 1M Senior Citizen’s Fund ken daduma pay.

Napagnunumuan met nga ti pundo manipud 2018 and 2019 RA 7171 Fund nga agdagup ti Php 592M ket mailatang para iti:

Tobacco Php 60M
Rice 30M
Corn 10M
Peanut 10M
Vegetables 5M
NGOs 20M
Cooperatives 12M
Barangays 360M or 10M each

Ti pundo a para kadagiti mannalon ket agdagup ti Php 115M, nagtriple no ikumpara iti Php 35M a nailatang idi tawen 2021.

Ti nabatbati nga pondo ket para kadagiti special projects ti lokal a gobyerno, maibasar ti kangrunaan a pagkasapulan dagiti umili ken maiyataday ti pagganurutan ti RA 7171.

Kiniddaw ti ama ili kadagiti lideres manipud naduma duma a NGOs nga ipasa dan dagiti plano ken programa da iti federated organization a MANGO. Inpakaamo pay ni Mayor Joseph Simon B. Valdez kadagiti Punong Barangays nga isudan ti mangpili no anya dagiti proyekto wenno programa a mapunduan manipud 10M a share da, maibasar ti kangrunaan a kasapulan dagiti kabarangayan da. Ngem impaunay unay na a masapul nga agdalan ti Barangay Devt. Council ken maisubmitar ti Sangguniang Barangay Resolution para ti project listing.

Ti pada pada a share a maited kadagti 36 barangays ket pampaneknek nga awan ti idad-daduma ti agdama nga admistrasyon, agsipud ta ti pagsayaatan dagiti umili ti ipangpangruna dagiti agdama nga opisyales ti ili.

Agyaman kami amin nga tinalek mi nga agserbi ta makita ken marikna dagiti umili dagiti napintas ken makatulong a programa babaen ti “Bagyong Serbisyo” a programa ti agdama nga administrasyon para agtultuloy a panag RANIAG STA. LUCIA!