Anyan a nagpintas a buyaen ti kinangayed ti nakaparsuwaan, kas dagiti kabanbantayan a naarkusan ti berde a kakaykayuan! Dagitoy nga kaykkayo ket agserbi nga “BARA” ti lubong ta isuda ti mangted presko nga angin nga intay ang-angsen. Isu da pay mangsalaknib iti panaglayos nga mangitunda ti panakapukaw dagiti sanikwa nga intay nagbannugan, kangrunaan na ti ipatpateg tayo ti biag.

Ti panangsalaknib ti daga a nakaparsuwaan ket maysa kadagiti kangrunaan a programa ti agdama nga administrasyon. Ngarud, naisayangkat tata nga aldaw ti “TREE PLANTING PROGRAM” a nagbinnuligan ti Local Government Unit of Santa Lucia, National Tobacco Administration ken Tanggol Kalikasan iti masakupan ti barangay Palali Norte, a pakasarakan ti kapatpatakder nga Sanitary Land Fill ti ili tayo a Santa Lucia. Daytoy ket balligi naiyusuwat babaen kadgiti aktibo nga opisyales nga indauluwan ti ama ti ili, Hon. Joseph Simon B. Valdez, Hon. Eduardo Toquero, Municipal Vice Mayor ken Sanguniang Bayan Members. Aktibo pay nga timmulong dagiti municipal employees, Tobacco Farmers, PNP, BFP ken Phil. Army.

Ti nasao nga programa ket balligi a naisayangkat ket manamnama nga maspasamak to manen ti tree planting program iti barangay Buliclic .

Naimpusoan a panagyaman kadagiti amin a nakipagpaset iti daytoy a programa!